დაწყება

აპის პირველად გახსნისას, იგი კონფიგურაციის პროცესის განმავლობაში გაგიწევთ დახმარებას.

შედით თქვენი Accu-Chek ანგარიშით ან შექმენით ახალი ანგარიში.

თქვენი Accu-Chek ანგარიშის შესახებ მეტი ინფორმაციისთვის, იხილეთ თავი Accu-Chek ანგარიში.

გლუკოზის მნიშვნელობებისა და ნახშირწყლების საზომი ერთეულები აპის მიერ წინასწარ არის არჩეული. წინასწარ არჩეული ერთეულები დამოკიდებულია თქვენ მიერ ანგარიშის შექმნის პროცესში არჩეულ ქვეყანაზე. აპში საზომი ერთეულების შეცვლამდე, კონსულტაციისთვის მიმართეთ თქვენს სამედიცინო დარგის სპეციალისტს.

აირჩიეთ იგივე საზომი ერთეული, რომელიც სისხლში გლუკოზის თქვენი საზომის მიერ გლუკოზის მნიშვნელობებისთვის გამოიყენება. შეგიძლიათ, აირჩიოთ შემდეგი მნიშვნელობებიდან ერთ-ერთი:

აირჩიეთ ის საზომი ერთეული, რომელსაც ნახშირწყლების დასათვლელად იყენებთ. შეგიძლიათ, აირჩიოთ შემდეგი მნიშვნელობებიდან ერთ-ერთი:

შეხებით აირჩიეთ შემდეგი გასაგრძელებლად.

შეიყვანეთ ზედა და ქვედა მნიშვნელობები სამიზნე დიაპაზონისთვის. აღნიშნული მნიშვნელობები გრაფიკებისა და სტატისტიკისთვის გამოიყენება.

სამიზნე დიაპაზონი წარმოადგენს დიაპაზონს, რომლის ფარგლებშიც უნდა იყოს თქვენი გლუკოზის მნიშვნელობები. აპის გრაფიკებში, სამიზნე დიაპაზონი მწვანე არედაა ნაჩვენები.

თითოეული პირისთვის სამიზნე დიაპაზონი შესაძლოა განსხვავდებოდეს. თქვენი ინდივიდუალური სამიზნე დიაპაზონის პარამეტრები განიხილეთ სამედიცინო დარგის სპეციალისტთან.

ნაგულისხმევი სამიზნე დიაპაზონის მნიშვნელობები

შეხებით აირჩიეთ შემდეგი გასაგრძელებლად.

შეიყვანეთ თქვენი ზღვრები ძალიან მაღალი და დაბალი გლუკოზის განგაშის სიგნალებისთვის. აპს შეუძლია, გაგაფრთხილოთ, თუ თქვენი გლუკოზის მნიშვნელობები ზედმეტად მაღალი ან ზედმეტად დაბალია. გლუკოზის ყველა განგაში ნაგულისხმევად აქტიურია, მაგრამ მათი გამორთვა აპის მენიუდან შეგიძლიათ.

ნაგულისხმები გლუკოზის განგაშები

თქვენი უსაფრთხოების მიზნით, ძალიან დაბალი გლუკოზის ზღვრის რედაქტირება შეუძლებელია. ძალიან დაბალი გლუკოზის ზღვარი არის 54 მგ/დლ ან 3,0 მმოლ/ლ.

შეხებით აირჩიეთ შემდეგი გასაგრძელებლად.

გლუკოზის ყველა განგაში ნაგულისხმევად აქტიურია, მაგრამ მათი გამორთვა აპის მენიუდან შეგიძლიათ. იმაში დასარწმუნებლად, რომ გლუკოზის მნიშვნელობებსა და შეტყობინებებს მიიღებთ, გაეცანით, როგორ მუშაობს თქვენი მობილური მოწყობილობა და რეგულარულად შეამოწმეთ მისი პარამეტრები:

თქვენი მობილური მოწყობილობის სწორი კონფიგურირებისთვის მეტი ინფორმაციის მისაღებად, იხილეთ თავი მობილური მოწყობილობის კონფიგურირება.

შეხებით აირჩიეთ გასაგებია გასაგრძელებლად.

თუ iOS მოწყობილობებს იყენებთ, მიიღებთ შეკითხვას შინაარსით: აქვს თუ არა აპს შეტყობინებათა გაგზავნის უფლება. თუ აპს არ შეუძლია შეტყობინებების გაგზავნა, აპის ყველა შეტყობინება და განგაშის სიგნალი დაიბლოკება.

დაგისვამთ კითხვას, დაშვებულია თუ არა აპის მიერ კრიტიკული გაფრთხილებების გაგზავნა. თუ ზარი გათიშული გაქვთ, კრიტიკული გაფრთხილებების ფუნქცია გავლენას მოახდენს განგაშის სიგნალების ხმაზე. თუ აპს არ შეუძლია კრიტიკული გაფრთხილებების გაგზავნა, თქვენს მობილურ მოწყობილობაზე „არ შემაწუხო“ ან „ფოკუსი“ რეჟიმის ჩართვისას, აპის ყველა შეტყობინებისა და განგაშის სიგნალის ხმა გაითიშება.

საჭიროებისამებრ, აღნიშნული პარამეტრების შეცვლას მოგვიანებითაც შეძლებთ. დამატებითი ინფორმაციისათვის იხილეთ თავი მობილური მოწყობილობის კონფიგურირება.

თუ Android მოწყობილობებს იყენებთ, შესაძლოა, მიიღოთ შეკითხვა შინაარსით: აქვს თუ არა აპს თქვენთვის შეტყობინებათა გამოგზავნის უფლება. თუ აპს არ აქვს თქვენთვის შეტყობინებების გამოგზავნის უფლება, „არ შემაწუხო“-ს იგნორირებას ვეღარ შეძლებთ.

დაგისვამთ კითხვას, დაშვებულია თუ არა აპის ფონურ რეჟიმში მუშაობა. თუ აპის ფონურ რეჟიმში მუშაობა დაშვებული არ არის, შესაძლოა გლუკოზის მნიშვნელობები, შეტყობინებები თუ განგაშის სიგნალები ვერ მიიღოთ.

დაგისვამთ კითხვას, შეუძლია თუ არა აპს „არ შემაწუხო“-ს იგნორირება. თუ აპს არ შეუძლია „არ შემაწუხო“-ს იგნორირება, თქვენს მობილურ მოწყობილობაზე „არ შემაწუხო“ რეჟიმის ჩართვისას, აპის ყველა შეტყობინებისა და განგაშის სიგნალის ხმა გაითიშება.

მობილური მოწყობილობის ოპერაციული სისტემის ვერსიისა და მწარმოებლის მიხედვით, აღნიშნული პარამეტრი შესაძლოა განსხვავდებოდეს. მეტი ინფორმაციისთვის, იხილეთ თქვენი მობილური მოწყობილობის მომხმარებლის სახელმძღვანელო.

საჭიროებისამებრ, აღნიშნული პარამეტრების შეცვლას მოგვიანებითაც შეძლებთ. დამატებითი ინფორმაციისათვის იხილეთ თავი მობილური მოწყობილობის კონფიგურირება.